Härzlich willkommä uf eusere Homepage

Wär hätis dänkt, dass usemä füecht-fröhliche Aprésski-Flirt wohri Liäbi wird... Mir ämel nid!

Und doch... Eusi Gfühl fürenand si eso stark gsi, dass es dUrsi sogar in chauf gno het, ihres schöne Baselbiet z verloh und scho bereits nach sechs Mönet ind Aargauer Näbelzone zum Tobi uf Künte zoge isch.

Nochdäm s gmeinsame Hushalte (fascht) ribigslos klappet het, isch auscho gli emol dr Wunsch uftaucht zum Hürote, e Familie gründe und zäme alt wärde.

Zum sicher go, heimer no d Prob ufs Example gmacht und si im Mai/Juni 2006 uf Kanada go reise. Die sibe Wuche 24 Stunde mitenand uf ängschtem Rum z läbe, hetis no meh zämegschweisst.

Am 21. Mai het denn dr Tobi dr Ursi en Atrag gmacht, total unerwartet, denn sUrsi het scho nümme dra glaubt...;o)

Am 14. September 2007 hets is widr zu eusnä Wurzlä uf Davos glockt, zum im chline Rahme eusi zivili Trauig z fiire. Äs isch e wunderschönä Tag gsi.

Dr glücklichschti Momänt wo mir bis jetzt hei dörfe zäme erläbe, isch natürlich d Geburt vo eusem Sunneschiin, dr Michaela Rea gsi. Sit am 22. November 2007 am 9 ab 9ni zobe simer jetzt z dritte!